Tutorial Gamers

Pa Haji Amin ni urangnya paling sugih di kampung wan sidin bisa juwa jadi Imam di langgar, baisi anak saikungannya ha pulang bangaran Adum. Adum ni liwar macalnya urang tuha nang kaya John, nang tacut di kampung gen dihulutinya apalagi si Ian, cupit Pasar Ahad gen dihulutinya jua. Bibinian di kampung haja dijapainya di burit. Tuhuk dah Pa Haji Amin ni minta banyu tatap kada ampih-ampih jua. Rahatan sumbahyangan magrib di langgar, abahnya (Pa Haji Amin) jadi Imam, si Adum ne pas abahnya imbah mambaca Fatihah makmum nang lain manyahut “Amiiin,” ada Adum inya manyahuti “Abaaaaah…!” Apa ada gigir sa langgaran mandangarnya, si Adum ni bingung handak manyahuti ‘amiin’ katiya ngaran kuitan, jadi paksa ai jar Adum manyahuti ‘abaaah’. Apa ada lagi pada habang talinga dipulas abahnya si Adum.

NAIK HAJI Oleh: Ampeak Hermansyah, Kalua Di kampung Bubuhan Jingah Rabit, hidup manusia nang mucil, raja pandir, kisah pina panyugihnya, kada mau kalah toe pang, tapi sosial banar orangnya. Ngarannya Julak Adum. Alkisah, pas bulan haji Utuh Hirman datang di Makkah, rami orang bailang ka rumah. Ada nang dibarii sajadah, tasbih, banyu zam-zam, pacar makah, wan kurma. Pukuknya macam-macam ae bawaan Utuh Hirman. Rasa pina banyak urang ba ilang, Julak Adum bapikir, “Ka Makah jua aku bulan ini.” Lalu Julak Adum baparagah handak tulak umrah ka Makkah. Percaya haja urang sakampungan karna Julak Adum ada baisi kabun gatah. Nah, malam sabalum tulak Julak Adum basalamatan di rumah supaya salamat di jalan. Singkat kisah singkat tali salawar, sudah 20 hari Julak Adum tulak. Kaluarganya ada manyambat, “Julak Adum esok datang. Ada sidin manalipun,” jar kaluarga Julak Adum. Isuk harinya rami urang bakumpulan di rumah Julak Adum, mahadangi sidin datang. Kada lawas ada mobil ...

Salain harat mangaradau, anak Utuh Hirman ne si Utuh Ujai, inya harat jua parkara bahitung-hitung. Kada suah balum timbakan buntutnya malisit, paling kada kana sa bak tu pang. Utuh Ujai ne sakulah di SMA Sambang Lihum kalas satu. Buku catatannya kadada nang lain, hibak wan rumus buntut. Imbah buntut ditutup pamarintah, tatap ja Utuh Ujai ne katuju mautak-atik angka. Sampai guru matimatika di sakulahannya kagum wan kaharatan Utuh Ujai ne. Pukuknya imbah dapat rumus hanyar dari guru, inya kawa pulang meulah rumus nang pina anih wan lucu, tapi hasilnya bujur haja wan masuk akal haja. Hari itu guru matimatika nang biasa masuk ka kalas Utuh Ujai kada kawa turun, sidin maambil cuti imbah baranak. Jadi sagan samantara, palajaran matimatika tapaksa diisi ulih guru matimatika kalas talu. Imbah sidin masuk lalu bapander ae, “Jar guru matimatika kalas satu, di kalas ne ada nang harat matimatika. Nah, bapa handak tahu, jadi bapa tis dahulu lawan sual.” Imbah dibagiakan sualnya lima bu...